1-oktabr holatiga koʻra Oʻzbekistonning oltin-valyuta zaxiralari 66,58 mlrd dollarni tashkil etdi va jahon bozorida oltin kotirovkalarining pasayishi hamda valyuta aktivlarining qisqarishi tufayli bir oyda 5,54 mlrd dollarga kamaydi.
Markaziy bank zaxiralaridagi oltin qiymati 4,83 mlrd dollarga tushib, 60,08 mlrd dollarni tashkil qildi, holbuki oltinning fizik hajmi 14,34 mln troya unsiyasigacha (446,2 tonna) oshgan. Pasayish jahon narxlarining korreksiyasi fonida yuz berdi: agar avgust oxirida oltin bir unsiya uchun qariyb 4660 dollardan sotilgan boʻlsa, sentabrda 4200 dollardan pastga tushdi.
Zaxiralarning valyuta qismi 702,8 mln dollarga qisqarib, 5,92 mlrd dollargacha kamaydi. Naqd valyuta va boshqa banklardagi depozitlar hajmi 12,92 foizga tushib, 4,24 mlrd dollarni tashkil etdi, shu jumladan xorijiy tijorat banklaridagi mablagʻlar 16,78 foizga kamayib, 3,13 mlrd dollarga tushdi. MB balansidagi xorijiy qimmatli qogʻozlar 73,7 mln dollarga qisqarib, 1,69 mlrd dollarni tashkil qildi.
