Yandex Qazaqstan rahbari Timur Shalkenov kompaniya oʻz bankini yaratishni rejalashtirmayotganini, ammo kuryerlar va taksi haydovchilari bilan hisob-kitoblarni osonlashtirish uchun toʻlov tashkiloti litsenziyasini olish imkoniyatini koʻrib chiqayotganini maʼlum qildi.
Shalkenov toʻlovlar bozorida raqobat kuchli ekanini va kompaniyaga faqat ushbu segmentda raqobatlashish qiyin boʻlishini taʼkidladi. Toʻlov xizmati Yandex hamkorlari — qariyb 800 ming kishi — mablagʻlarni kun oxirida emas, balki har bir operatsiyadan soʻng darhol olishlari uchun zarur. Shalkenov, shuningdek, milliy toʻlov tizimiga ulanishga qiziqish bildirdi, bu esa hamkorlarga bozorning boshqa ishtirokchilari ekotizimida QR-kodlar orqali tranzaksiyalarni amalga oshirish imkonini beradi.