Webase IT-kompaniyasi Bank Solutions Day 2026 doirasida Oʻzbekiston banklarida kassalar ishi, kliring va naqd pul boshqaruvini avtomatlashtirishga moʻljallangan yechimlarini namoyish qildi.
Kompaniya oʻzining yettita yechimini koʻrsatdi: Cashbox, Cash Management, Cash Retail, Clearing Analytics Platform, Service Desk, Help Desk va AutoPay. Har bir yechim qoʻlda bajariladigan jarayonlarni avtomatik rejimga oʻtkazishga qaratilgan.
Webase uchta muammolar guruhi boʻyicha yechimlarni taklif etdi: kassa daftarlarini qoʻlda yuritmasdan kassa va bankomatlardagi naqd pullarni nazorat qilish, HUMO, UZCARD, Munis va boshqa toʻlov tizimlari kliringini avtomatlashtirish, shuningdek, bankomatlar hamda terminallarga xizmat koʻrsatishni boshqarish. Cashbox asosiy kassalarni avtomatlashtiradi, Cash Management hisoblash mashinalarini ulaydi, Cash Retail esa filiallar kassalari operatsiyalarini yagona platformada birlashtiradi.