Jahon bankining Global Findex 2025 maʼlumotlariga koʻra, 2025-yilda Oʻzbekistonning 15 yoshdan oshgan aholisining 59,7 foizi moliyaviy hisobga ega boʻlgan, Qozogʻistonda esa bu koʻrsatkich 87 foizga, Qirgʻizistonda 72,3 foizga, Tojikistonda esa 54,5 foizga yetgan.
Raqamli operatsiyalarni amalga oshirish imkoniyatiga ega hisoblar boʻyicha Qozogʻiston mintaqada yetakchilik qilmoqda: aholining 78 foizi shunday hisoblarga ega boʻlgan. Qirgʻizistonda bu koʻrsatkich 59,1 foizni, Oʻzbekistonda 43,8 foizni, Tojikistonda esa 27,9 foizni tashkil etgan.
Smartfonlar bilan yuqori darajada taʼminlanganlik har doim ham moliyaviy xizmatlardan xuddi shunday darajada foydalanish bilan birga kechmaydi. Oʻzbekistonda aholining 70,2 foizi smartfonga ega, biroq moliyaviy hisoblardan kamroq qismi foydalanadi. Uzoq muddatli dinamikada Oʻzbekistonda moliyaviy hisoblar bilan qamrov 2011-yildagi 22,5 foizdan 2025-yilda 59,7 foizgacha oʻsdi.