Uzum 600 mlrd soʻmlik beshinchi obligatsiyalar chiqarilishini joylashtirdi

Oʻzbekistonning raqamli ekotizimi Uzum 18% kupon daromadiga ega 600 mlrd soʻmlik korporativ obligatsiyalarning beshinchi chiqarilishini joylashtirdi. “Toshkent” Respublika fond birjasida beshta obligatsiyalar chiqarilishining umumiy hajmi 2,1 trln soʻmni tashkil etdi, shundan qariyb 60 foizi norezidentlardan jalb qilingan. Jalb qilingan mablagʻlar ekotizimning fintex yoʻnalishini rivojlantirishga yoʻnaltirilgan. Bundan tashqari, 15-sentabr kuni Istiqbolli loyihalar milliy agentligi Uzumning 8,5% daromadli 50 mln dollarlik oltinchi obligatsiyalar chiqarilishini roʻyxatdan oʻtkazdi — bu kompaniyaning ILMA tartibga solish qumdoni doirasidagi birinchi valyuta chiqarilishidir.