Oʻzbekistonda 2019-yilda IMEI-kodlarni roʻyxatdan oʻtkazish tizimi ishga tushirilgandan buyon 97,8 mlndan ortiq mobil qurilma kodi roʻyxatga olingan, roʻyxatdan oʻtkazish uchun toʻlovlar hajmi esa 3 trln soʻmdan oshgan.
Bu haqda 24-avgust kuni Silk Road Finance & Technology Forum doirasida Telekommunikatsiya tarmoqlarini boshqarish respublika markazi boʻlim boshligʻi Otabek Azimov maʼlum qildi. Eng koʻp roʻyxatdan oʻtkazish holatlari Samsung hissasiga toʻgʻri keladi — 35,5 mln IMEI-kod, undan keyingi oʻrinlarda 18,1 mln bilan Xiaomi va 7,7 mln bilan Nokia bormoqda. Roʻyxatga olingan qurilmalarning asosiy qismini smartfonlar tashkil etadi — 72,5 mln dona, shuningdek, tizimda 20,3 mln tugmali telefon va 1,4 mln planshet mavjud.