Oʻzbekiston Milliy investitsiyalarni qoʻllab-quvvatlash agentligi axborotni oshkor qilish va qonunchilikka rioya etilishini baholash asosida qimmatli qogʻozlar emitentlari reytingini yuritish reglamentini tasdiqladi.
Reyting yetti mezon boʻyicha toʻplangan ballar yigʻindisiga koʻra aniqlanadi hamda emitentlarga «A», «B», «C» yoki «D» toifalari beriladi. Reytingni agentlik yuritadi va uning natijalarini har chorakda yagona korporativ axborot portalida eʼlon qilib boradi. Reglament emitentlarning shaffofligini baholash, investorlar manfaatlarini himoya qilish va kapital bozorida axborotning oshkor etilishini taʼminlashga qaratilgan.