Oʻzbekiston MB raisi oʻrinbosari Nodirbek Achilov regulyator inflyatsiyani 2027-yil oxiridan kechiktirmasdan 5 foizgacha pasaytirish maqsadini saqlab qolayotganini va bu muddatlarni qayta koʻrib chiqishni rejalashtirmayotganini maʼlum qildi.
Oʻzbekiston MB raisi oʻrinbosari Nodirbek Achilov 4-noyabr kungi matbuot anjumanida MB boshqaruvi tomonidan tasdiqlangan pul-kredit siyosatining asosiy yoʻnalishlarida maqsadli muddatni qayta koʻrib chiqish koʻzda tutilmaganini bildirdi. Regulyator inflyatsiyani 2027-yil oxiridan kechiktirmasdan 5 foizgacha pasaytirish maqsadini saqlab qolmoqda.
Achilov mazkur masala joriy yilda shakllangan iqtisodiy tendensiyalarni hisobga olgan holda kelgusi yigʻilishlarda koʻrib chiqilishi mumkinligini taʼkidladi. Rais oʻrinbosari, shuningdek, byudjet-fiskal siyosatining inflyatsiya jarayonlariga ijobiy taʼsirini, jumladan, joriy yilda byudjet taqchilligining qisqarishi va profitsit shakllanishini alohida qayd etdi.