Oʻzbekistondagi Tenge Bank ioka travel bilan hamkorlikda Tenge24 mobil ilovasiga Oʻzbekiston boʻylab temir yoʻl chiptalarini qidirish, rasmiylashtirish va toʻlash imkoniyatini kiritdi.
Hamkorlik toʻgʻrisidagi bitim 27-oktabr kuni bankning bosh ofisida imzolandi. Yangi Tenge Travel xizmati mijozlarga uchinchi tomon platformalariga oʻtmasdan poyezd chiptalarini sotib olish imkonini beradi. Kelgusida funksionalni aviachiptalar va boshqa travel-yoʻnalishlar hisobiga kengaytirish rejalashtirilmoqda.
1-noyabrdan 30-noyabrgacha Tenge Bank mijozlari Tenge Travel orqali xarid qilingan birinchi temir yoʻl chiptasi uchun 25% chegirma oladi. Chegirmaning maksimal miqdori 100 ming soʻmni tashkil etadi. Chegirma Tenge Bank bank kartasi orqali toʻlov amalga oshirilganda bir marta taqdim etiladi.
