Toshkent xalqaro moliya markazi (TXMM) xalqaro moliya markazlarini birlashtiruvchi Butunjahon xalqaro moliya markazlari alyansi (WAIFC) aʼzosiga aylandi.
Qaror Oʻzbekiston Prezidenti huzuridagi Xorijiy investorlar kengashi Idoralararo ishchi guruhining TXMMni tashkil etishga bagʻishlangan yigʻilishi yakunlari boʻyicha qabul qilindi. Muhokamada Osiyo taraqqiyot banki, JPMorgan, Xalqaro moliya korporatsiyasi, Yevropa tiklanish va taraqqiyot banki, BlackRock va boshqa tashkilotlar vakillari ishtirok etdi.
Frankfurt Main Finance boshqaruvchi direktori hamda WAIFC raisi oʻrinbosari Xubertus Fet markazni ishga tushirish boʻyicha tavsiyalarni taqdim etdi. Ishtirokchilar xorijiy investitsiyalarni jalb qilish, moliyaviy mahsulotlar va xizmatlarni rivojlantirish, infratuzilmani shakllantirish, kadrlar tayyorlash hamda investorlar uchun yuzaga kelishi mumkin boʻlgan toʻsiqlarni muhokama qildilar.