@napp_uz Telegram-kanali maʼlumotlariga koʻra, Oʻzbekiston sugʻurta bozori 2026-yilning dastlabki toʻqqiz oyida ijobiy dinamikani koʻrsatdi.
Sugʻurta mukofotlari yillik hisobda 27,3% oʻsish bilan 12,5 trln soʻmga yetdi. Sugʻurtalovchilarning ustav kapitali 4,5 trln soʻmni (23,1% oʻsish), tuzilgan shartnomalar soni esa 9,6 mln donani (6,7% oʻsish) tashkil etdi.
Sugʻurta toʻlovlari 68,3% ga oshib, 3,2 trln soʻmga yetdi, shundan 3,1 trln soʻmi umumiy sugʻurtaga va 161,9 mlrd soʻmi hayotni sugʻurtalashga toʻgʻri keldi. Sugʻurta toʻlovlarining mukofotlarga nisbati 25,8% ni, aholi jon boshiga toʻgʻri keladigan sugʻurta mukofotlari esa 315,3 ming soʻmni tashkil qildi.
Bozorda litsenziyaga ega 36 ta sugʻurta tashkiloti faoliyat yuritmoqda: 28 tasi umumiy sugʻurta sohasida, 7 tasi hayotni sugʻurtalash sohasida va 1 ta kompaniya faqat qayta sugʻurtalash bilan shugʻullanadi.