3-noyabr kuni Qozogʻistonda «Umay» xotin-qizlar ipotekasiga arizalar qabuli boshlandi — bu Osiyo taraqqiyot bankining 20 mlrd tenge miqdoridagi ikkinchi transhidir.
9 mlrd tengelik birinchi transh 31-avgust kuni yetti soat ichida tugab qolgan edi. Dastur shartlari oʻzgarishsiz qoldi: koʻchmas mulk xaridi uchun maksimal qarz miqdori — 50 mln tenge, taʼmirlash uchun — 15 mln tenge, foiz stavkasi — yillik 14,8%. Ishtirokchi oilasining maksimal daromadi 1,25 mln tengedan oshmasligi lozim.
Otbasy bank arizalarni topshirish usullarini kengaytirdi: butun Qozogʻiston boʻylab maslahatchilar orqali, onlayn tarzda video-xizmat koʻrsatish servisi orqali yoki bank filialida topshirish mumkin. Oʻtgan safar arizachilar tashrif buyuruvchilarning koʻpligi sababli onlayn topshirishdagi texnik nosozliklardan shikoyat qilishgan edi.