Qozogʻistonning Solva fintex-platformasi kompaniyaning amaldagi aksiyadori boʻlgan AG Holding xoldingidan 1,18 milliard tenge (2,5 million dollar) miqdorida qoʻshimcha kapital jalb qildi.
Mablagʻlar biznesni kengaytirish, tadbirkorlar va jismoniy shaxslar uchun yangi mahsulotlarni ishga tushirish hamda texnologik yechimlarni joriy etishga yoʻnaltiriladi. Solva Group LTD — Solva fintex-biznesini boshqaruvchi MXHM yurisdiksiyasidagi xolding kompaniyasi hisoblanadi. Qozogʻistondagi operatsion tuzilmasi — «OnlaynKazFinans mikromoliya tashkiloti» AJ. Kompaniya 2016-yildan beri faoliyat yuritib kelmoqda va Qozogʻistonning eng yirik 5 ta nobank kreditorlari qatoriga kiradi.
