Amerikalik venchur investori, Sofreh Capital jamgʻarmasi asoschisi Shervin Pishevar kompaniya ofisini Qozogʻistonda ochish va operatsiyalarning bir qismini ushbu mamlakatga koʻchirish niyatida ekanini maʼlum qildi.
Pishevar Ostonadagi Digital Bridge 2026 texnologik forumida nutq soʻzladi. U Qozogʻistonda malakali muhandislar, innovatsiyalarni davlat tomonidan qoʻllab-quvvatlash tizimi hamda mahalliy sunʼiy intellekt industriyasiga yirik investitsiyalarni jalb qilish uchun zarur resurslar mavjudligini taʼkidladi.
Investor mamlakatda amalga oshirilayotgan Higgsfield loyihasini misol qilib keltirdi hamda Qozogʻistonda SI iqtisodiyotini rivojlantirish uchun zarur boʻlgan mineral resurslar, sunʼiy yoʻldosh texnologiyalari va yadro infratuzilmasi mavjudligini koʻrsatib oʻtdi.