Smart Data Finance tizimi deklaratsiya qilingan daromadlar va xarajatlar oʻrtasidagi nomuvofiqlikni aniqlash maqsadida 80 ta manbadan fuqarolarning koʻchmas mulki, avtomobillari va boshqa aktivlari haqidagi maʼlumotlarni toʻplaydi.
Bu haqda Qozogʻiston moliya vaziri oʻrinbosari Aset Turisov maʼlum qildi. Tizim koʻchmas mulk, avtomobillar, yer uchastkalari va boshqa aktivlar boʻyicha maʼlumotlarni toʻplaydi, ammo mobil oʻtkazmalar haqidagi axborot bank siri bilan cheklangan va toʻliq hajmda koʻrinmaydi.
Soliq organlari fuqaroning rasmiy daromadini uning xarajatlari bilan solishtiradi. Agar sezilarli nomuvofiqlik aniqlansa — masalan, rasmiy daromadi boʻlmagan shaxs uy yoki bir nechta avtomobil sotib olsa — soliq xizmati aniqlashtirishni soʻrashi mumkin. Katta tafovut aniqlangan taqdirda, fuqarolar va kompaniyalar maxsus servis orqali qoʻshimcha maʼlumot taqdim etishlari mumkin, shundan soʻng maʼlumotlar qayta koʻrib chiqiladi va tegishli soliqlarni toʻlash talab etiladi.