S&P Global Ratings xalqaro reyting agentligi Qozogʻistonning Nurbank reytinglari boʻyicha prognozini «Barqaror»dan «Ijobiy»ga oʻzgartirib, uzoq muddatli kredit reytingini «B» darajasida hamda milliy shkala boʻyicha reytingini «kzBB+» darajasida tasdiqladi.
S&P baholashiga koʻra, ushbu qayta koʻrib chiqish oʻsish surʼatlarining bosiqroq kechishi, proviziyalar shakllantirish ehtiyojining kamayishi va foydaning oshishi tufayli bank kapitalining yetarlilik koʻrsatkichlari yaxshilanishi kutilayotganini aks ettiradi. 2026-yil 1-avgust holatiga koʻra, Nurbank aktivlari yil boshidan buyon 37,3 mlrd tengaga oshib, 602 mlrd tengani tashkil etdi, depozit portfeli esa 28,6 mlrd tengaga oʻsib, 424 mlrd tengaga yetdi.
