inbusiness.kz nashrining Qozogʻiston Milliy bankiga tayanib xabar berishicha, avgust oyida Qozogʻistondan Rossiyaga pul oʻtkazmalari 14,3 baravarga qisqarib, 1,2 mlrd tengeni tashkil etdi.
Xorijga oʻtkazmalarning umumiy hajmi iyuldagi 56,4 mlrd tengedan ikki baravarga tushib, 27,9 mlrd tengeni tashkil qildi.
Boshqa yoʻnalishlarda ham sezilarli pasayish qayd etildi: Oʻzbekistonga oʻtkazmalar 39 foizga tushib, 12,3 mlrd tengeni, Qirgʻizistonga — 75 foizga kamayib, 0,7 mlrd tengeni, Turkiyaga — 21 foizga pasayib, 4,6 mlrd tengeni tashkil etdi. Qozogʻistonga tushumlar 24 foizga qisqarib, 12,2 mlrd tengeni tashkil qildi, shu bilan birga Rossiyadan oʻtkazmalar 11,9 baravarga tushib, 0,2 mlrd tengeni tashkil etdi. Milliy bank maʼlumotlariga koʻra, joriy koʻrsatkichlar kamida 2016-yil yanvaridan beri kuzatilgan eng quyi darajalarga toʻgʻri keladi.