Kapital.kz maʼlumotlariga koʻra, Otbasy bank oʻz faoliyatini islomiy banking yoʻnalishida kengaytirish uchun ustaviga oʻzgartirishlar kiritdi. Bank aksiyadori — «Bayterek» MXB — islomiy banking xizmatlarini koʻrsatish toʻgʻrisidagi qarorni maʼqulladi.
Bank islomiy joriy hisobvaraqlarni ochish, foizsiz depozitlarni qabul qilish, foizsiz kreditlar ajratish hamda islomiy bank operatsiyalarida agentlik faoliyatini amalga oshirish niyatida. Otbasy bankka bunday operatsiyalarni amalga oshirishga ruxsat beruvchi Qozogʻiston Respublikasining 352-VIII-sonli Qonuni 2026-yil 21-oktabrda kuchga kiradi. Tegishli litsenziya olingach, bank islomiy darchani bosqichma-bosqich yoʻlga qoʻyishni boshlaydi: birinchi bosqichda — islomiy joriy hisobvaraqlar va foizsiz depozitlar, ikkinchi bosqichda — islomiy uy-joy moliyalashtiruvi.
Mahsulotlar AAOIFI xalqaro standartlariga muvofiq ishlab chiqilmoqda va diniy eʼtiqodidan qatʼi nazar, bankning barcha mijozlari uchun ochiq boʻladi. MHXMO (AIFC) va CSQ Law tadqiqotiga (2024) koʻra, 763 mingga yaqin qozogʻistonlik diniy qarashlari tufayli depozitlardan foydalanmaydi, islomiy ipoteka bozorining salohiyati esa 1,6 trln tengega baholanmoqda.