Oʻzbekiston Milliy banki NBU kartalaridan 84 ta mamlakat va mintaqadagi UnionPay xalqaro kartalariga toʻgʻridan-toʻgʻri pul oʻtkazmalarini amalga oshirish imkonini beruvchi UnionPay MoneyExpress xizmatini taqdim etdi.
Oʻtkazmalar jismoniy shaxslar oʻrtasida amalga oshiriladi. Komissiya oʻtkazma summasining 1% ini (kamida 2 AQSh dollari) tashkil etadi. Mavjud yoʻnalishlar orasida Xitoy, AQSh, Yaponiya, Singapur, Malayziya, MDH mamlakatlari, Yaqin Sharq va Yevropa iqtisodiy hududi bor.
