Qozogʻiston Milliy banki eng kam ish haqi 110 ming tengagacha oshirilishi va «Xalq qurilishi» dasturiga Milliy jamgʻarmadan 6,5 trln tenge ajratilishiga qaramay, 2027-yilda dezinflyatsiya boʻlishini prognoz qilmoqda.
Milliy bank raisi oʻrinbosari Aqiljan Baymagambetov regulyator keyingi yilda inflyatsiyaning yanada pasayishini kutayotganini maʼlum qildi. 2027-yil uchun inflyatsiya prognozi 6,5–8,5% darajasida belgilangan boʻlib, u eng kam ish haqining 85 mingdan 110 ming tengagacha oshirilishini hamda «Xalq qurilishi» dasturini amalga oshirish uchun Milliy jamgʻarma mablagʻlari ajratilishini allaqachon hisobga olgan.
2026-yil uchun inflyatsiya prognozi 9–11% darajasida saqlab qolindi. Baymagambetov Milliy bank oʻzining makroiqtisodiy prognozlarini yiliga toʻrt marta qayta koʻrib chiqishi mumkinligini, shu sababli 2027-yilgi prognoz yangilanishi ehtimoli borligini qoʻshimcha qildi.