kapital.kz maʼlumotlariga koʻra, moliya vaziri oʻrinbosari Abzal Beysenbekuli qurultoydagi matbuot anjumanida idora 2027–2029-yillarga moʻljallangan budjet taqchilligini moliyalashtirish uchun tashqi qarz jalb qilish imkoniyatini koʻrib chiqayotganini maʼlum qildi.
Moliya vazirligi tashqi bozorlarda qulay shart-sharoitlarga erishishga intiladi. Qarz olishning asosiy manbai ichki bozor boʻlib qoladi: joriy qarz tuzilmasining 77 foizini ichki va 23 foizini tashqi manbalar tashkil etadi. Moliyalashtirish manbalarini tanlashda idora mablagʻ jalb qilish qiymati, soʻndirish muddatlari hamda davlatning boʻlajak majburiyatlariga oid boshqa parametrlarni hisobga oladi.