Qozogʻiston fond birjasi KASE Ailat fintex-kompaniyasi bilan birgalikda islomiy skrining xizmatiga NASDAQ va NYSE birjalarida savdoga qoʻyilgan 32 ta xorijiy kompaniya aksiyasini, jumladan Apple, Microsoft, NVIDIA, Alphabet, Tesla, Meta Platforms, Coca-Cola va Chevron qimmatli qogʻozlarini qoʻshdi.
KASE va Ailat onlayn skrining xizmatini 2026-yil sentyabr oyida ishga tushirgan edi. Baholash uch bosqichda amalga oshiriladi: sunʼiy intellektdan foydalangan holda moliyaviy koʻrsatkichlarni avtomatik hisoblash, ekspert tekshiruvi hamda AAOIFI standartlariga muvofiqlikni nazorat qilish kengashining xulosasini taqdim etish.
Metodologiya kompaniyaning daromad manbalarini, belgilangan axloqiy mezonlarga mos kelmaydigan faoliyatdan olingan daromadlar ulushini, qarzni, shuningdek aktivlar tarkibidagi pul mablagʻlari va foizli moliyaviy vositalar ulushini hisobga oladi. Skrining natijalari nafaqat islomiy meʼyorlarga tayanuvchi investorlar, balki emitentning biznes modeli va moliyaviy tuzilmasini chuqurroq oʻrganishni istaganlar uchun ham foydalidir.