Qozogʻistonning KASE birjasi hamda Ant Digital Technologies kompaniyasining Gonkongdagi boʻlinmasi boʻlgan SigmaLayer Company Limited raqamli moliyaviy aktivlar sohasida hamkorlik memorandumini imzoladi.
Hujjatni imzolash marosimi Hong Kong FinTech Week 2026 xalqaro forumi doirasida boʻlib oʻtdi.
Sheriklik ilgʻor texnologik yechimlarni moliya bozori infratuzilmasiga integratsiya qilishga qaratilgan. Hamkorlik sunʼiy intellekt, blokcheyn, taqsimlangan reyestrlar va raqamli aktivlar sohasidagi birgalikdagi faoliyatni, shuningdek, transchegaraviy biznes aloqalari, tajriba almashish, ilmiy-tadqiqot hamda taʼlim loyihalarini qamrab oladi. Oʻzaro hamkorlik amaldagi qonunchilik va meʼyoriy talablarga toʻliq muvofiq holda amalga oshiriladi.