Kapitalbank Apple qurilmalaridan toʻlovlarni amalga oshirish uchun Apple Pay xizmatini qoʻllab-quvvatlay boshladi. Bank mijozlari KAPITALBANK.online ilovasi orqali Visa yoki Mastercard kartalarini Apple Walletʼga qoʻshishlari mumkin.
Kapitalbank Oʻzbekistonda Apple Pay xizmatini ishga tushirdi. Bank mijozlari KAPITALBANK.online ilovasi orqali Visa yoki Mastercard kartalarini Apple Walletʼga qoʻshishlari hamda doʻkonlarda, internetda va ilovalarda iPhone, iPad hamda Apple Watch yordamida toʻlovlarni amalga oshirishlari mumkin.
Har bir tranzaksiya Face ID, Touch ID, Optic ID yoki parol orqali tasdiqlanadi. Toʻlov paytida karta raqami uchinchi shaxslarga berilmaydi.
