“Kapitalbank” ATB bank jarayonlarini markazlashtirish doirasida 19–20-sentabr kunlari Raqamli filial (MFO 01184) korporativ mijozlarining hisoblarini yagona filialga (MFO 01158) oʻtkazadi.
Hisoblarni oʻtkazish mijozlarga Oʻzbekiston hududidagi bankning istalgan ofisida barcha bank xizmatlaridan foydalanish imkonini beradi. Oʻtkazish davrida texnik nosozliklar, servislar faoliyatida uzilishlar hamda maʼlumotlar almashinuvida vaqtinchalik kechikishlar yuzaga kelishi mumkin. 21-sentabrdan boshlab hisob rekvizitlari avtomatik ravishda oʻzgaradi, biroq amaldagi rekvizitlar 12 oy davomida oʻz kuchini saqlab qoladi.
