Oʻzbekistonning “Kapitalbank” ATB 5-6-sentabr kunlari Toshkent shahar filiali hamda Chorsu filiali mijozlarining hisoblarini 00445 va 01033 MFO kodlaridan yagona 01158 MFO kodiga migratsiya qilish uchun texnik tanaffus oʻtkazadi.
Bank xizmatlar koʻrsatilishida yuzaga kelishi mumkin boʻlgan uzilishlar, maʼlumotlar almashinuvidagi kechikishlar va hisobotlarni taqdim etishdagi cheklovlar haqida ogohlantirdi. 7-sentabrdan boshlab hisob rekvizitlari avtomatik ravishda oʻzgaradi, biroq amaldagi rekvizitlar 12 oy davomida oʻz kuchida qoladi. Aksariyat xizmatlar 4-sentabr kuni odatiy rejimda ishlaydi, mobil ilova hamda “Uzum Business” MBXT esa 6-sentabrgacha qisman cheklanadi.
