Oʻzbekiston Vazirlar Mahkamasi 4-sentabr kuni litsenziya va ruxsat berish talablari buzilgani haqida xabar bergan fuqarolar hamda tashkilotlarga toʻlovlar toʻlash toʻgʻrisidagi qarorni tasdiqladi. Toʻlov miqdori qoidabuzarga solingan jarimaning 10 foizini tashkil etadi.
Oʻzbekiston Vazirlar Mahkamasi 4-sentabr kuni litsenziya va ruxsat berish talablari buzilgani haqida xabar bergan fuqarolar hamda tashkilotlarga toʻlovlar toʻlash toʻgʻrisidagi qarorni tasdiqladi. Toʻlov miqdori qoidabuzarga solingan jarimaning 10 foizini tashkil etadi. Arizachilar xabarlarni «Litsenziya» elektron tizimi yoki Adliya vazirligining mobil ilovasi orqali tahrirlanmagan, davomiyligi 120 soniyagacha boʻlgan foto yoki videolarni ilova qilgan holda yuborishlari mumkin boʻladi. Vakolatli organ arizani 10 ish kuni ichida koʻrib chiqadi, toʻlov esa jarima toʻlanganidan soʻng bir ish kuni ichida tushadi. Yangi tartib 2026-yil 8-dekabrdan kuchga kiradi.
