Xalqaro savdo maydonchasi ITS Qozogʻistonda ilk bor shanba va yakshanba kunlari Ostona vaqti bilan soat 10:00 dan 24:00 gacha qimmatli qogʻozlar savdosini boshlamoqda.
Birinchi bosqichda investorlar uchun 68 ta instrument mavjud boʻladi: 50 ta tanlab olingan aksiya, ITS ETF va single stock ETF. Bitimlarni asosiy rejimda, muzokarali bitimlar rejimida tuzish hamda REPO operatsiyalarini oʻtkazish mumkin. Investorlar savdolarda qatnashish imkoniyatiga ITS aʼzosi boʻlgan brokerlar orqali ega boʻladilar.
Ish kunlarida ITS allaqachon sutkasiga qariyb 19 soat — soat 9:00 dan keyingi kunning 3:45 gacha faoliyat yuritmoqda. Dam olish kunlari uchun instrumentlar roʻyxati bozor ishtirokchilarining talabidan kelib chiqib kengaytirib boriladi. Kelgusida maydoncha savdo sessiyalari davomiyligini haftasiga yetti kun, sutkasiga 21 soatgacha uzaytirishni rejalashtirmoqda.