Uzcard Moment Ipoteka Bank boʻlimida besh daqiqa ichida beriladi va darhol Ipoteka Mobile mobil ilovasiga ulanadi.
Kartani bank filialiga birinchi bor tashrif buyurgandayoq, tayyor boʻlishini kutmasdan olish mumkin. Rasmiylashtirish uchun pasport yoki ID-karta kifoya. Faollashtirilgach, karta toʻlovlar va naqd pul yechish uchun darhol foydalanishga tayyor boʻladi.
Uzcard Moment kartasida egasining ismi va familiyasi koʻrsatilmaydi, biroq u bank tizimida toʻliq identifikatsiyadan oʻtgan hamda toʻlaqonli bank mahsuloti hisoblanadi. Funksiyalari boʻyicha karta standart Uzcard bilan bir xil: savdo va xizmatlar uchun toʻlovlar, pul oʻtkazmalari, naqd pul yechish, ATTO tizimi orqali jamoat transportida yoʻlkira toʻlash imkoniyatlari mavjud.
2026-yil 30-noyabrgacha jismoniy shaxslar uchun kartani rasmiylashtirish bepul. Kartani Ipoteka Bank OTP Group’ning barcha filiallarida olish mumkin. Ipoteka Mobile ilovasi 2026-yil sentabridan beri 340 ming martadan ortiq yuklab olingan, faol foydalanuvchilar soni esa 241 ming nafarni tashkil etadi.
