Oʻzbekistonning eng yirik banklaridan biri boʻlgan Ipoteka bank OTP Group yuridik shaxslar va yakka tartibdagi tadbirkorlar uchun U-BSS platformasida yangi korporativ internet-bankni ishga tushirdi.
Yangi tizim yuridik shaxslar uchun moʻljallangan eski masofaviy bank ofisining oʻrnini toʻliq egalladi. Platforma milliy valyutadagi toʻlovlar va SWIFT-oʻtkazmalari, konversiya, korporativ kartalar, QR-toʻlovlar va ekvayring, oylik maosh loyihalari, kreditlar, depozitlar hamda hujjat aylanishini birlashtirdi.
Mijozlar uchun E-IMZO, MyID va SMS-tasdiqlash orqali masofaviy identifikatsiyadan oʻtish imkoniyati mavjud. Internet-bank barcha ommabop brauzerlarda ishlaydi hamda USB-tokenlar bilan ham, ularsiz ham ishlashni qoʻllab-quvvatlaydi. Platforma xodimlar uchun kirish huquqlarini moslashuvchan sozlashni hamda guruhning har bir kompaniyasi boʻyicha alohida huquqlar va yagona kirish nuqtasiga ega xoldinglar uchun korporatsiya rejimini taklif etadi. iOS va Android uchun toʻlaqonli ilovalar mavjud.
Oʻzbekiston IT-Park rezidenti boʻlgan U-BSS texnologik hamkor sifatida ishtirok etdi. Platforma mahalliy qonunchilik va OʻzR Markaziy bankining regulyatorlik talablariga moslashtirilgan boʻlib, joriy etish muddati odatda 3 oydan 6 oygacha davom etadi.
