Imkon Ventures venchur fondi turli brendlarning sodiqlik dasturlari va chegirmalarini bitta ilovada birlashtiruvchi Dcard startapiga $20 000 sarmoya kiritdi.
Imkon Ventures venchur fondi pre-seed bosqichi doirasida Dcard startapiga $20 000 investitsiya kiritdi. Platforma turli brendlarning chegirmalari, keshbek va sodiqlik dasturlarini yagona ilovada birlashtiradi, shuningdek, biznes uchun chegirmalar nazorati va tahlili boʻyicha boshqaruv panelini taqdim etadi. Asoschi Javlonbek Jabboraliyev avval Uzum Market va Soff Academyʼda faoliyat yuritgan. Sinov tariqasidagi ishga tushirish 2026-yil avgust oyida boshlangan — qisqa vaqt ichida jamoa 50 dan ortiq hamkor va 200 dan ziyod foydalanuvchini jalb qildi. Dcard hamkor kompaniyalardan 5% komissiya hamda foydalanuvchilar uchun oyiga 70 000 soʻmlik obuna orqali daromad oladi.