Qozogʻistonning Halyk banki 200 dan ortiq mamlakat va hududga xalqaro pul oʻtkazmalarini amalga oshirish uchun Halyk SuperApp mobil ilovasiga MoneyGram xizmatini integratsiya qildi.
Xizmat bank mijozlari uchun tunu kun ishlaydi. Oʻtkazmalarni dollar yoki yevroda, jumladan, Turkiya, AQSh, Gruziya, Germaniya va Xitoy kabi mamlakatlarga yuborish mumkin. Qabul qiluvchi mablagʻni naqd pulda olishi, bank hisobiga yoki elektron hamyonga qabul qilishi mumkin — buning uchun Halyk bankida hisob raqamiga ega boʻlish talab etilmaydi.
Komissiya toʻlovi oʻtkazma summasining 0,5 foizini tashkil etadi va operatsiya tasdiqlanishidan oldin koʻrsatiladi. Bir martada 9 999 dollargacha yoki 7 000 yevrogacha joʻnatish mumkin, bir kun davomida ikkitagacha oʻtkazma qilish imkoni mavjud. Qabul qiluvchi mamlakat va olish usuliga qarab, mablagʻlar bir necha daqiqada yetib borishi mumkin.