spot.uz maʼlumotlariga koʻra, Yangi Bank tugatish komissiyasi bankning Toshkentdagi besh qavatli binosini yana auksionga qoʻydi, boshlangʻich narx 120 mlrd soʻm — bu yozdagidan 43,3 mlrd soʻmga arzonroq.
Yunusobod tumanidagi Amir Temur shohkoʻchasida joylashgan, maydoni 3648 kv. m boʻlgan bino E-auksion elektron savdo maydonchasiga chiqarildi. Yozda 163,33 mlrd soʻm narxdagi savdolar bekor qilingan va oʻtkazilmagan edi. Ishtirok etish uchun arizalar 5-oktyabrga qadar (shu kuni ham) qabul qilinadi, zakalat miqdori 1,2 mlrd soʻmni tashkil etadi.
Sotuv 15-yanvar kuni Markaziy bank tomonidan litsenziyasi qaytarib olingan Yangi Bankning tugatilishi bilan bogʻliq. 10-iyun holatiga koʻra, bankning toʻrtinchi navbatdagi kreditorlar oldidagi qarzdorligi 76,54 mlrd soʻmni tashkil etgan. Tushgan mablagʻlar omonatlari Omonatlarni kafolatlash agentligi tomonidan qoplanmaydigan kreditorlarning talablarini qondirishga yoʻnaltiriladi.
