Freedom Holding Corp. oʻzining super ilovasi uchun qozogʻistonliklarga investitsiyalar, sugʻurtalar, turlar, aviachiptalar va vizalar boʻyicha variantlarni tanlab beradigan SI agentini ishlab chiqmoqda, deb maʼlum qildi bosh direktor Timur Turlov.
Sunʼiy intellekt agenti Freedom SuperApp mijozlariga yordam berish koʻnikmalarini allaqachon takomillashtirmoqda. Turlovning soʻzlariga koʻra, SI yordamchisi muayyan foydalanuvchi uchun eng foydali mahsulotlarni tavsiya qilishi va xolding ekotizimidagi xizmatlarni bron qilishda koʻmaklashishi kerak.
Turlov SI xolding boshqaruvi va bek-ofisi samaradorligini allaqachon oshirganini taʼkidladi. Uning qoʻshimcha qilishicha, bazaviy versiyalarni bir kunda yaratish mumkin boʻlsa-da, toʻlaqonli agentni ishlab chiqish bir yillik ishni talab etadi. Kompaniya rahbari, shuningdek, Freedom joriy yilda yana bir mahsulotni ishga tushirishini bildirdi, biroq uning tafsilotlarini ochiqlamadi.