ForteBank va Yevroosiyo taraqqiyot banki Qozogʻistondagi investitsiya loyihalarini birgalikda moliyalashtirish boʻyicha hamkorlik memorandumini imzoladi.
Memorandum sindikatlashgan moliyalashtirish boʻyicha birgalikda ishlashni nazarda tutadi. Banklar yirik loyihalarni qoʻllab-quvvatlash, jumladan, birgalikda kreditlash imkoniyatlari uchun resurslar va ekspertizani birlashtirish niyatida.
Hujjatni imzolash marosimi 11-noyabr kuni Abu-Dabida, EABRning Abu-Dabi xalqaro moliya markazidagi ofisi ochilishiga bagʻishlangan tadbir doirasida boʻlib oʻtdi. ForteBank va EABR bungacha Olmaota xalqaro aeroportini rivojlantirishni sindikatlashgan moliyalashtirishda birgalikda ishtirok etgan.
