Xalqaro Fitch reyting agentligi Oʻzbekistonning Ipoteka bank OTP Group uzoq muddatli reytingi boʻyicha prognozini «barqaror»dan «ijobiy»ga oʻzgartirdi, reytingni BB darajasida tasdiqladi hamda bankning yashovchanlik reytingini b dan b+ darajasiga oshirdi.
Fitch baholashiga koʻra, yaxshilanish kapitallashuvning oʻsishi, aktivlar sifatining yaxshilanishi va barqaror rentabellikni aks ettiradi. Fitch Core Capital koeffitsiyenti 12% dan 18,5% gacha oshdi, CET1 koʻrsatkichi 2026-yilning birinchi yarim yilligi oxirida 17,6% ni tashkil etdi, Stage 3 kreditlari ulushi esa 2024-yil oʻrtalaridagi 23% dan 19,7% gacha kamaydi. OTP bank Ipoteka bank OTP Group kapitalining 73% iga egalik qiladi, Xalqaro moliya korporatsiyasi esa bank aksiyalarining 9% ini sotib oldi.
