kapital.kz maʼlumotlariga koʻra, Milliy bank raisining sobiq oʻrinbosari Yesjan Birtanov 2026-yil 16-oktabrda “Ostona” xalqaro moliya markazi maydonida roʻyxatdan oʻtgan yangi Tansar Islamic Bank Ltd islom banki direktori boʻldi.
Bankning ustav kapitali 12 mln dollarni tashkil etadi. Bosh direktor — Rustem Baymaxanov. Birtanovdan tashqari direktorlar kengashiga Tansar Capital investitsiya kompaniyasida lavozimlarni egallab turgan Yerjan Agibayev va Aydos Musatayev ham kirdi. Birtanovning oʻzi esa ayni guruhga tegishli investitsiya kompaniyasi — Tansar Capital direktorlar kengashini boshqaradi.
Tansar Islamic Bank shariat meʼyorlariga muvofiq moliyalashtirishni amalga oshiradi, mijozlar mablagʻlarini boshqaradi, toʻlovlar, pul oʻtkazmalari va valyuta ayirboshlash amaliyotlarini bajaradi, shuningdek foydani taqsimlovchi maqsadli investitsiya hisoblarini boshqaradi. Bank Tansar Group JSC guruhi tomonidan tashkil etilgan.
Qozogʻistonda ayni paytda ikkita islom banki faoliyat yuritmoqda: ADCB Islamic Bank va Zaman Bank. 2026-yil mart oyidan boshlab anʼanaviy banklarga ixtisoslashtirilgan boʻlinmalar orqali shariat meʼyorlari boʻyicha xizmatlar koʻrsatish uchun “islom darchalari”ni ochishga ruxsat berilgan.