Avgust oyida Qozogʻiston banklaridagi yuridik shaxslar depozitlari 3,9 foizga kamayib, 21,6 trln tengeni tashkil etdi, deb xabar berdi Moliyaviy bozorni tartibga solish va rivojlantirish agentligi.
Bank sektori majburiyatlari avgust oyi davomida 0,2 foizga oshib, 64,4 trln tengeni tashkil etdi. Jismoniy shaxslarning omonatlari 0,1 foizga oʻsib, 28,5 trln tengega yetdi. Milliy valyutadagi depozitlar 0,5 foizga kamayib, 41,0 trln tengeni, xorijiy valyutadagilari esa 5,6 foizga pasayib, 9,2 trln tengeni tashkil qildi.
Yuridik shaxslar uchun milliy valyutadagi muddatli depozitlar boʻyicha oʻrtacha tortilgan foiz stavkasi iyuldagi 15,9 foizdan 15,7 foizgacha pasaydi, jismoniy shaxslar uchun esa 14,6 foizni tashkil etdi.