2026-yilning yanvar-sentabr oylarida xalqaro pul oʻtkazmalari tizimlari orqali Oʻzbekistonga 15,16 milliard dollar mablagʻ kelib tushdi, bu 2025-yilning shu davriga nisbatan 8,9 foizga koʻpdir.
Chiqish oʻtkazmalari hajmi 1,95 milliard dollarni tashkil etdi, ijobiy saldo esa 13,21 milliard dollarga yetdi.
Kelib tushayotgan mablagʻlarning oʻsish surʼati birinchi yarim yillikka nisbatan sekinlashdi. Yanvar-iyun oylarida kiruvchi oʻtkazmalar 13 foizga oshib, 9,28 milliard dollarni tashkil qilgan boʻlsa, uchinchi chorakda 5,88 milliard dollar kelib tushdi — bu 2025-yilning iyul-sentabr oylariga nisbatan 2,9 foizga koʻp. Uchinchi chorakda chiqish oʻtkazmalari hajmi 625 million dollarni tashkil etib, bir yil oldingiga nisbatan 11,6 foizga kamaydi.