Click toʻlov tizimi oʻz hamkorlariga qoʻshimcha texnik ulanishsiz Apple Pay orqali toʻlovlarni qabul qilish imkoniyatini taqdim etdi.
Apple Pay tizimini yoqqan Click hamkorlarining saytlarida xaridorlar endi toʻlov sahifasida Apple Payʼni tanlash hamda toʻlovni Face ID, Touch ID yoki qurilmaning kod-paroli orqali tasdiqlash yoʻli bilan xaridlarni toʻlashlari mumkin. Toʻlov uchun Apple Walletʼga kiritilgan hamda qoʻllab-quvvatlanadigan Visa yoki Mastercard kartalari mos keladi.
Biznes alohida texnik ulanishsiz, Click bilan amaldagi integratsiya orqali Apple Payʼni ulashi mumkin. Ulanish uchun arizani business.click.uz saytida qoldirish mumkin.
