Oʻzbekistonning Biznesni rivojlantirish banki yuridik shaxslar va yakka tartibdagi tadbirkorlar uchun boʻlimga bormasdan, 24/7 rejimida bank operatsiyalarini amalga oshirish imkonini beruvchi “Biznes 24/7” raqamli platformasini ishga tushirdi.
Platforma foydalanuvchilarga hisobvaraqlarni ochish, kredit va depozitlarni rasmiylashtirish, maʼlumotnoma hamda hisobotlarni olish, hisoblarni boshqarish va toʻlovlarni onlayn oʻtkazish imkonini beradi. Ayrim pul oʻtkazmalari va operatsiyalar 24/7 rejimida mavjud boʻlib, bu tadbirkorlarga bankning ish jadvalidan qatʼi nazar, moliyaviy mablagʻlarini boshqarish imkonini yaratadi.
Ishga tushirilgan paytga kelib 25 ming foydalanuvchi platformadan roʻyxatdan oʻtib boʻlgan. Ishlab chiqish jarayonida xizmatlardan foydalanish jarayonini soddalashtirishga hamda kundalik bank operatsiyalarini bajarish uchun talab etiladigan harakatlar sonini qisqartirishga alohida eʼtibor qaratildi. Kelgusida platforma funksionalini yangi raqamli mahsulot va xizmatlar bilan kengaytirish rejalashtirilmoqda.
Ilova https://onelink.to/brb24 havolasi orqali, veb-talqin esa https://brb.uz/brb-biznes manzilida mavjud.