Mintaqaga masʼul boʻlgan bankning ishonchli mijozlari uchun yillik 16% stavkada 300 mlrd soʻmlik kredit liniyasi ochiladi, biroq foizlarning kompensatsiya qilinishi amaldagi stavkani 12% gacha tushiradi.
Tadbirkorlikni rivojlantirish kompaniyasi foiz toʻlovlarining bir qismini 4% gacha miqdorda kompensatsiya qiladi. Qoraqalpogʻiston uchun oilaviy tadbirkorlik dasturi doirasidagi kreditlar stavkasi ham 17,5% dan 12% gacha pasaytirilmoqda. Mintaqada faoliyat yuritayotgan boshqa sakkizta bank bir oy ichida shunga oʻxshash takliflarni ishlab chiqishi lozim.
2027-yilda kamida 50 ming mahalliy aholini daromad bilan taʼminlash maqsadida drayver loyihalarga 100 mln dollar yoʻnaltirish rejalashtirilgan. Iqtisodiy oʻsish va bandlikni ragʻbatlantirish uchun tuman maʼmuriyatlariga yana 100 mlrd soʻm ajratildi.
