tengrinews.kz maʼlumotlariga koʻra, Osiyo taraqqiyot banki Otbasy bankining xotin-qizlar uchun moʻljallangan «Umay» ipoteka dasturi uchun 20 milliard tenge miqdoridagi ikkinchi transhni maʼqulladi.
Mablagʻlarning Otbasy bankiga kelib tushishi yaqin vaqt ichida kutilmoqda. Bank arizalarni qabul qilish sanasi haqida qoʻshimcha maʼlumot beradi.
Ikkinchi transh avgust oyida kelib tushgan 9 milliard tengelik birinchi transhdan ikki baravardan koʻproqqa katta. 12-oktabr holatiga koʻra, dastur boʻyicha 366 ta qarz berildi, yana 296 ta ariza rasmiylashtirish bosqichida turibdi. Avgust oyidagi qabul jarayonida bank jami 855 ta ariza olgan edi.