Oʻzbekiston Davlat aktivlarini boshqarish agentligi Humo toʻlov tizimi (65 mln dollar) va SamAuto avtozavodi (80 mln dollar) xususiylashtirilishidan tushgan mablagʻlarni budjetga toʻliq oʻtkazdi.
SamAuto Turkiyaning Anadolu Isuzu kompaniyasiga sotilishidan tushgan mablagʻlar budjetga 2025-yil dekabrida kelib tushgan; Anadolu Isuzu kompaniyadagi 75,2% davlat ulushini sotib oldi va zavodni rivojlantirishga yana 80 mln dollar kiritish majburiyatini oldi. 2024-yil dekabr oyi oxirida Davaktiv Milliy banklararo protsessing markazining (Humo toʻlov tizimi operatori) 100% aksiyalarini Paynet toʻlov servisiga 65 mln dollarga sotgan edi.
