Moliya bozorini tartibga solish va rivojlantirish agentligi (ARDFM) Qozogʻiston sugʻurta bozorini 2026–2030-yillarga moʻljallangan rivojlantirish dasturini tasdiqladi. Hujjat oltita yoʻnalish boʻyicha 18 ta strategik tashabbusni oʻz ichiga oladi, deb xabar berdi regulyator.
Asosiy choralardan biri — majburiy sugʻurta tizimini takomillashtirish. Regulyator uy-joylarni zilzila, suv toshqini va oʻrmon yongʻinlaridan majburiy sugʻurta qilishni joriy etishni rejalashtirmoqda.
Boshqa yoʻnalishlar qatorida ixtiyoriy tibbiy sugʻurta va pensiya annuitetlari bozorini rivojlantirish ham bor. Shuningdek, ARDFM sugʻurta mahsulotlarini sotish kanallarini rivojlantirish va isteʼmolchilar huquqlarini himoya qilishni kuchaytirish niyatida.
Hujjat Qozogʻiston prezidentining topshirigʻiga binoan ishlab chiqilgan. 2026-yil fevral oyida boʻlib oʻtgan hukumatning kengaytirilgan yigʻilishida Qosim-Jomart Toqayev ARDFM va Milliy bankka 1-sentyabrga qadar sugʻurta va fond bozorlarini rivojlantirish dasturini tayyorlashni topshirgan edi. Oʻshanda u mahalliy moliya tizimida sugʻurta sektorining ulushi atigi 5 foizni tashkil etishini taʼkidlagan edi.