Oʻzbekistonning APEX Bank xalqaro Astrasend toʻlov tizimiga ulanib, AQSh dollarida naqd pul koʻrinishida komissiyasiz olinadigan transchegaraviy pul oʻtkazmalarini taqdim eta boshladi.
Bank mijozlari Rossiya va Qirgʻizistondan oʻtkazmalarni qabul qilishlari, Qozogʻiston, Qirgʻiziston, Tojikiston va Moʻgʻulistonga esa mablagʻ joʻnatishlari mumkin. Oʻtkazmalarga bir necha daqiqa ichida ishlov beriladi.
APEX Bank orqali AQSh dollarida naqd pul olishda komissiya olinmaydi. Mablagʻ joʻnatishda quyidagi tariflar amal qiladi: $300 gacha boʻlgan summalar uchun qatʼiy $3 miqdorida komissiya hamda $300 dan $5 minggacha boʻlgan oʻtkazmalar uchun komissiyasiz. Bitta oʻtkazmaning maksimal summasi — $5 ming.
Xizmat APEX Bank’ning Toshkent, Qarshi, Samarqand, Buxoro va Namangandagi barcha savdo ofislarida mavjud.
