Ostona xalqaro moliya markazi va Pusan moliya markazi 16-sentabr kuni Qozogʻiston prezidentining Janubiy Koreyaga tashrifi chogʻida oʻzaro anglashuv memorandumini imzoladi.
Hujjatni AIFC Authority boshqaruvi raisi Baxtiyar Tleubekov hamda Busan International Financial Center prezidenti Myon Xo Ri imzoladi. Memorandum xalqaro moliya markazlarini boshqarish boʻyicha tajriba almashish, qoʻshma tadqiqotlar, seminarlar va taʼlim dasturlarini nazarda tutadi. Tomonlar, shuningdek, investorlarning Qozogʻiston va Janubiy Koreya bozorlaridagi imkoniyatlar toʻgʻrisida xabardorligini oshirishni hamda ikki mamlakat moliya hamjamiyatlarining toʻgʻridan-toʻgʻri hamkorligiga koʻmaklashishni rejalashtirmoqda. Oʻsha uchrashuvning oʻzida Tleubekov World Alliance of International Financial Centers direktorlar kengashiga saylandi.