Qozogʻiston Moliya bozorini tartibga solish va rivojlantirish agentligi investitsiya portfeli boshqaruvchilariga omonatchilarga pensiyaga chiqishgacha qolgan vaqtga qarab konservativ, moʻtadil va xavfli portfellarni taklif qilish imkonini beruvchi qaror qabul qildi.
Konservativ portfel barcha omonatchilar uchun ochiq. Moʻtadil portfel pensiyagacha uch yildan ortiq vaqt qolgan fuqarolar uchun, xavfli portfel esa pensiyasiga 13 yildan ortiq qolganlar uchun moʻljallangan.
Omonatchilar jamgʻarmalarini bir nechta boshqaruvchilar yoki bitta boshqaruvchining bir nechta portfellari oʻrtasida taqsimlashlari mumkin boʻladi.