2026-yil 24–25-iyul kunlari Toshkentda IT Park Uzbekistan maydonchasida Global Business Services Forum (GBSF) 2026 — global business services, raqamli autsorsing va eksportga yoʻnaltirilgan IT-xizmatlarni rivojlantirishga bagʻishlangan xalqaro forum boʻlib oʻtadi.
Forum xalqaro va mahalliy IT-kompaniyalar, biznes-xizmatlar markazlari, investorlar hamda soha ekspertlarini bir joyga toʻplaydi. Dastur markazida — BPO va IT-autsorsing kompaniyalari rahbarlari bilan C-level uchrashuvlari, Oʻzbekistonning servis ekotizimi, kadrlar salohiyati va Zero Risk dasturi bilan tanishish oʻrin olgan.
Asosiy mavzular: sunʼiy intellektning global xizmatlar bozoriga taʼsiri, operatsion jarayonlarni yangi texnologik xablarga relokatsiya qilish trendlari va Oʻzbekistonning raqamli xizmatlar eksportidagi oʻsib borayotgan roli.
Tashkilotchi — IT Park Uzbekistan. Roʻyxatdan oʻtish va batafsil maʼlumot — forumning rasmiy saytida.