24.kg maʼlumotlariga koʻra, Qirgʻizistonda hududlardagi tadbirkorlar uchun imtiyozli kreditning maksimal miqdorini 20 milliondan 30 million somgacha oshirish boʻyicha Vazirlar Mahkamasi qarori loyihasi jamoatchilik muhokamasiga qoʻyildi.
Hujjat 2026-yil 10-iyunda tasdiqlangan «Qirgʻiziston Respublikasi hududlarini iqtisodiy rivojlantirish» loyihasini amalga oshirish tartibini oʻzgartirishni nazarda tutadi. Shartlarni qayta koʻrib chiqish zarurati «Davlat moliyaviy xoldingi» OAJ vakillarining mamlakat viloyatlaridagi tadbirkorlar bilan uchrashuvlaridan soʻng aniqlangan.
Imtiyozli kreditlarni turizm infratuzilmasi, yengil sanoat, ishlab chiqarish, sogʻliqni saqlash, taʼlim, energetika, agrosanoat majmuasi va xizmat koʻrsatish sohasini rivojlantirishga yoʻnaltirish taklif etilmoqda. Yangi biznesni yoʻlga qoʻyish uchun arizachi kredit summasining kamida 30 foizi miqdorida, faoliyat yuritayotgan korxonani kengaytirish yoki modernizatsiya qilish uchun esa kamida 10 foizi miqdorida oʻz mablagʻiga ega ekanini tasdiqlashi kerak. Kreditlashning eng yuqori muddati 12 oygacha boʻlgan imtiyozli davrni hisobga olgan holda 10 yilni tashkil etadi.